ҚР Тілдері күніне арналған мерекелік шара
22.09.2022 ж
ҚР Тілдері күні қарсаңында бақшамызда мерекелік шара өтті. Үш тілде өткен шарада педагогтар қазақ тілінде сұрақтарға жауап беріп, «Полиглот» ойынын ойнады. Қазақ тілі мұғалімі Кашкинбай Қарлығаш және тәрбиешілердің қатысуымен «Абай және Пушкин рухани үндестік» тақырыбында қойылым қойылды.
«Үш тұғырлы тіл – заман талабы»
16.10.2022
16 қыркүйек күні Павлодар қаласының №2 сәбилер бақшасында «Үш тұғырлы тіл – заман талабы» атты викторина өткізілді. Педагогтер 5 кезеңнен тұратын викторинаға қатысып, өздерінің білімдерін тексерді. Сайыс «Сөз тапқанға», «Тіл өнер», «Ойлы болсаң озып көр», «Қызықты ұйқастар», «Білімпаздар» атауында ұйымдастырылған сайысқа педагогтер топқа бөлініп білімдерін сынады.
«Бір шаңырақ астында» Мерекелік ертеңгіліктер
19.09.2022
Бақшамызда 19 қыркүйек күні «Бір шаңырақ астында» мерекелік ертеңгіліктер өткізілді. Онда балалар қазақ, өзбек халықтарының биін билеп, «Достық» әнін шырқады. Сұрақтарға жауап беріп, тақпақтарын айтты. Мереке көңілді тойланды.
«Қазақ ұлттық аспаптары» музыкалық шаралар
14.11.2022
Павлодар қаласының №2 сәбилер бақшасында «Қазақ ұлттық аспаптары» атауымен музыкалық шаралар өткізілді. Қазақ тілі мұғалімі және музыка жетекшілерінің ұйымдастыруымен өткен шарада балалар қазақ тілінде ән айтып, би билеп, домбыра, қобыз, жетіген секілді қазақ ұлттық аспаптары жайында ақпараттар алды.
Облыстық «Ertis» телеарнасында өзге ұлт балаларының қатысуымен бағдарлама
Балалар «ERTIS» телеарнасында!
21.02.2023
Біздің балабақшаның қазақ тілі мұғалімі Қарлығаш Кашкинбай және орыс тілінде оқытылатын мектепалды даярлық топтарының тәрбиеленушілері Милана Барабаш, Ксения Финк, Нармина Кайтаева «ERTIS» телеарнасына сұхбат берді. «Өнерлі өрге жүзер» тақырыбында өткен шығарылымда қазақ тілі мұғалімі өзінің жұмыс жоспарымен, іс-тәжірибесімен, әдіс-тәсілдерімен бөлісті. Сондай-ақ балалар «Ұялы телефон» атауында жатқа өлең оқып, қазақ тілінде сұрақтарүа жауап беріп, жүргізушілерге жұмбақ жасырды.
1 наурыз – Алғыс айту күні
01.03.2023
1 наурыз – Алғыс айту күні түрлі ұлт өкілдерінің арасындағы адамгершілік қарым-қатынастың өнегелі өлшеміне айналды. Алғыс күні біздің балабақшамызда да аталып өтті. Балабақша қызметкерлері және қазақ тілі мұғалімі Қарлығаш Кашкинбайдың ата-аналар мен балаларды әсем әуен, тәтті кәмпиттермен күтіп алып, бүгінгі күннің маңызын түсіндірді. Ата-аналар да өз тарапынан ізгі тілектерін жазып қалдырды.
«Наурыз аруы»
20.03.2023
20 наурыз күні балабақшамызда қазақ тілі мұғалімі Кашкинбай Карлыгаш және әдіскер Алмагүл Коккезованың ұйымдастыруымен «Наурыз аруы» атты педагогтер арасында сайысы өтті. Сайыс «Дефиле» , «Білгенге маржан», «Өнерлі ару» атты кезеңдерден тұрды. Мұнда педагогтер қазақ ұлттық киімін насихаттап, қазақ тілінде қазақ салт-дәстүрлеріне қатысты сұрақтарға жауап берді. Соңғы кезеңде қазақ тілінде ән орындап, қазақ билерін билеп, өлеңдер оқыды. Қазылар алқасының шешімімен Голод Надежда Геннадьевна бірінші орынға лайықты деп танылды. Барлық қатысушыларға дипломдар табысталды.