«Балалар әдебиетінің бәйтерегі» 100 жылдығы аясында қазақ тілі мұғалімдер ұйымдастыруымен өткізілді.
Павлодар қаласының №2 сәбилер бақшасында «Балалар әдебиетінің бәйтерегі» атауымен мектепалды және ересек топтар арасында іс-шара өткізілді. Шара биыл мерейтой иелері атанып отырған даңқты жерлесіміз балалар ақыны, жазушысы Мүбарак Жаманбалиновтың және республикамызға аты мәшһүр классик балалар жазушысы Бердібек Соқпақбаевтың 100 жылдығы аясында қазақ тілі мұғалімдері К. Кашкинбай және Т. Ахметованың ұйымдастыруымен өткізілді.
Шара барысында балалар жазушылардың өмір жолы, шығармашылығымен танысып, Б.Соқпақбаевтың повесі желісімен түсірілген «Менің атым Қожа» фильмінен үзінді тамашалады. Фильм соңында балалар сұрақтарға жауап беріп, алған әсерлерімен бөлісті. Сондай-ақ, балалар әдебиеті жазушылары кітаптарының көрмесі де балалар назарына ұсынылды.